श्री सत्यसाई बहुद्देशीय संस्था 

श्री. विनोद हे व्यवसायाने डॉक्टर असून मितभाषी आणि हळव्या मनाचे व्यक्ती आहेत. त्यांना जेव्हा जेव्हा आपल्या आजूबाजूला, आपल्या समाजात असणारे असहाय्य, एकटेपणाने निराश झालेले वृद्ध दिसतात, तेव्हा ‘हे वृद्ध दुःखी आहेत तर आपण आनंदी कसे राहू शकतो?’ हा प्रश्न त्यांना अस्वस्थ करतो. याच भावनेतून त्यांनी वृद्धाश्रमाची कल्पना सुचली  आणि त्यासाठी  श्री सत्यसाई बहुद्देशीय संस्था स्थापन केली. 

सामाजिक कार्याची अत्यंत आवड आणि सेवा, सुश्रुषा करण्यात रुची असलेले डॉ. विनोद केळझरकर हे एक नम्र नेतृत्व आहे. संस्थेच्या अध्यक्षपदाची जबाबदारी ते यशस्वीपणे सांभाळत आहेत. 

विशाखा ह्या सर्वप्रथम एक उत्तम गृहिणी आहेत. महाविद्यालयीन काळापासूनच त्यांच्यातील नेतृत्वाचे गुण दिसू लागलेत. अखिल भारतीय विद्यार्थी परिषदेच्या माध्यमाने विद्यार्थ्यांचे हक्क आणि त्यांना न्याय मिळावा याकरिता अनेक आंदोलने आणि चळवळींचे त्यांनी नेतृत्व केले. सामाजिक बांधिलकी आणि दायित्व याचे भान ठेऊनच त्यांनी राजकारणात प्रवेश केला आणि नागपूर महानगर पालिकेच्या नगरसेविका म्हणून निवडून आल्या. त्या निरंतर  प्रभाग  विकासाच्या प्रयत्नात असतात. विशाखा ह्या अनेक संस्थांच्या कार्यकारिणी सदस्या आहेत. श्री सत्यसाई बहुद्देशीय संस्थेच्या सचिवपदाची जबाबदारी त्या सांभाळत आहेत.

शिक्षक हा समाज घडविणारी एक संस्थाच असते आणि रवींद्र हे एक असेच शिक्षक आहेत.

नागपुरातील नामांकित अशा हडस हायस्कुल येथे गणित या विषयाचे शिक्षक श्री. रवींद्र गीते यांना सामाजिक कार्याचे बाळकडू हे त्यांच्या वडिलांपासूनच प्राप्त झाले.

साई सावली वृद्धाश्रमच्या संकल्पनेत त्यांचे मोठे योगदान आहे.

गणित हा त्यांचा मूळ विषय आहे आणि समाजसेवेची त्यांना आवड आहे यामुळे संस्थेचे कोषाध्यक्ष म्हणून ते जबाबदारी सांभाळत आहेत.